DESA JADI KOTA – KUSTIAN
Cipt. Irawan Tea
Tah didinya baheula mah saur ema saur bapa
Aya lembur singkur aya kebon sawah
Susukan na herang tempat urang kokojayan
Arulin jeung babaturan
Tuh diditu baheula mah saur ema saur bapa
Gunung leuweung hejo matak nineung waas
Rea sasatoan tempat paniisan urang
Arulin jeung babaturan
Ayeuna mah beda jeung baheula
Rupa desa geus robah ngajadi kota
Na kamana kebon sawah
Nu ngeplak mapaes endah
Na kamana cisusukan
Nu herang cai ngagenclang
Na kamana gunung leuweung
Nusubur ku tatangkalan
Jeung kamana sasatoan
Nu reang teu patembalan
Na kamanaaa
Kiwari tinggal carita
