NGALAMUN
Cipt. Amir Hamid
Waktu peuting pareng caang bulan
Abdi anteng ngumbarkeun lamunan
Ngantosan nu lawas henteu mulang
Ka panutan nu di medan juang
Duh engkang panutan nu sajati
Naha engkang tos hilap ka abdi
Siang wengi abdi nganti-nganti
Na iraha pasini ngajadi
Teu kendat-kendat abdi mumuntang
Ka Pangeran anu murbeng alam
Supados kenging panangtayungan
Mugi engkang aya kaunggulan
Mun pareng urang patepang deui
Kumpul ngariung sakadang wargi
Kacida bungahna hate abdi
Muji syukur ka Ilahi Robbi
