REUMIS BEUREUM DINA EURIH
Cipt. Mang Koko
Bray balebat pangharepan
Hayam raong kongkorongok
Ngadigdig ngungsi raratan
Neangan sugan jeung sugan
Kamana atuh panutan
Basa lembur kahuruan, duh kahuruan
Jol ka lamping suku gunung
Ditempo sugan di kedung
Didongdong sugan ka lisung
Ka sawah sugan ka saung
Panutan geuning bet suwung
Piraku rek niat pundung, rek niat pundung
Harita teh geus bray-brayan
Basa datang ka sampalan ieung
Kembang eurih paneneban
Barodas baseuh cimata
Harita the geus nyay-nyayan
Aya wirasat nu datang ieung
Reumis beureum dina eurih
Beureum baseuh ku getih
Gok amprok reujeung manehna
Keur sare bangun nu tibra
Imut mapag langit jingga
Kembang eurih saparatna
Aduh geuning bareureum rupana
Aduh, duh nu sare dewang dadana
