MANGLE
Cipt. Mang Koko
Ampuh lungguh someah
Tara rucah awuntah
Resep cicing di imah
Babalik pikir
Ka bioskop bet ngampleng
Di arisan ge suwung
Ka pagade ge lebeng
Babalik pikir
Di tepas teu tembong
Bumi siga kosong
Horeng susulumputan
Leuh sieun rekening
Ngadadak bet lungguh
Ulat ampuh timpuh
Pajar babalik pikir
Horeng Kantong na kosong
Kurang kerung ngadilak
Gawe nyeuseul ngawakwak
Ka pagawe sesentak
Bapa kapala
Agar kerja dinamis
Inspirasi yang praktis
Kudu nyanding nu geulis
Keur maen mata
Jajan keur nu geulis
Uang lembur habis
Keur nombokkan ka imah
Aduh . . . ngajual dasi
Asup ka restoran
Mojang saabringan
Rek nraktir duit kurang
Cukup keur meli kacang
